Sot në Sallën “1 Tetori” në Prishtinë është zhvilluar testi fizik për kandidatët që kanë aplikuar për pozitën Zyrtar Korrektues në Burgun e Sigurisë së Lartë, në Qendrën e Paraburgimit në Gjilan dhe në Qendrën Korrektuese të Dubravës.
Në këtë fazë morën pjesë gjithsej 156 kandidatë, të cilët më herët kishin kaluar me sukses testin me shkrim.
Testi fizik është pjesë e detyrueshme e procesit të rekrutimit, me synim vlerësimin e kapaciteteve fizike dhe të përgatitjes së përgjithshme të kandidatëve për ushtrimin e detyrës në institucionet korrektuese.
Rezultatet e testit do të publikohen së shpejti në ueb-faqen zyrtare të Shërbimit Korrektues të Kosovës dhe në rrjetet sociale të institucionit.
Burimi: botasot.info
