Trajneri i Torinos, Ivan Juriç, ka sqaruar në konferencën për shtyp përpara ndeshjes me Specian e Rei Manajt, situatën e portës, ku për këtë në lojë është edhe Etrit Berisha. Në media qarkulloi lajmi se Milinkoviç-Saviç, portieri serb kishte dalë në shitje, por këtë e mohoi Juriç.
Mes komplimenteve për performancën e Etrit Berishës, por edhe portierit tjetër, njëkohësisht është prekur edhe e ardhmja”. Nuk kemi menduar për portierin e së ardhmes. Ju e keni nxjerrë në shitje si gazetarë portierin tjetër, Saviç. Por ai për mua ka bërë shumë mirë.
Në vitin e parë ishte i shkëlqyer, pastaj ka pasur periudhë negative nga COVID-i, është normale.
Tani ka ardhur Etrit Berisha dhe po i shkon shumë mirë për momentin. Por për të ardhmen, do të shohim”, tha Juriç. Torino do të presë në shtëpi skuadrën e Specias, ndeshje që do të luhet sot në orën 15:00.
Nga fillimi, siç jemi mësuar tani, pritet që në portë ta nisë lojën kapiteni i Kombëtares, Etrit Berisha, ndërkohë nga ana tjetër sulmuesi Rei Manaj me shumë mundësi do ta nisë titullar dhe do të kërkojë golin ndaj shokut të Kombëtares.
