Maluma ka publikuar si rrallëherë një foto me të dashurën e tij Susana Gómez në Instagram.
Artisti kolumbian, emri i vërtetë i të cilit është Juan Luis, ndodhet aktualisht në Portugali ku po zhvillon koncerte për turin e tij “Papi Juancho”. Ai ka gjetur kohën të marrë edhe disa rreze dielli.
Teksa ka ndarë një album me foto nga shteti portugez, në një prej tyre ai shihet tek bën banjo dielli me partneren, të cilës nuk ia ka publikuar portretin, por vetëm trupin.
![Image](https://www.botasot.info/media/botasot.info/images/2022/July/17/auto_981658042564.png)
Maluma dhe Susana Gómez
Maluma është në një lidhje me Susana Gómez. Për të dashurën e tij ka shumë pak informacione pasi ajo nuk është personazh publik. Susan dhe Maluma janë në një lidhje që nga fundi i vitit 2020 kur u fotografuan për herë të parë së bashku. Maluma nuk poston foto me të në rrjetet sociale. Megjithatë, ai bëri një përjashtim ditën e Krishtlindjeve kur “falenderoi Santa Claus” për dhuratën e tij të jashtëzakonshme.
“Faleminderit, Santa”, shkroi këngëtari në llogarinë e tij në Instagram krah një fotoje të paqartë ku shfaqej me Susan duke u puthur para pemës së Krishtlindjes.
Ndërsa Maluma gëzon famën dhe është në qendër të vëmendjes, Susana është një arkitekte nga Kolumbia që jeton larg botës së spektaklit. Gómez është e dashura e parë e autorit të hitit “Corazon” pas ndarjes së tij me modelen Natalia Barulich. E kur me fansat është treguar i rezervuar, gjërat duken shumë serioze në lidhjen e tyre. Maluma e ka prezantuar atë me familjen e tij dhe Susana është tashmë shumë shoqe me Marlli Arias, nëna e Malumës.
![Image](https://www.botasot.info/media/botasot.info/images/2022/July/17/auto_971658042563.jpg)
Maluma dhe Susana Gómez
Ajo shkon për mrekulli edhe me motrën e këngëtarit, Manuela Londoño. Dhe nuk është mjaftuar vetëm me dashurinë e vjehrrës dhe të kunatës, Susana ka një marrëdhënie të mirë edhe me Yudi Arias, tezen e këngëtarit.
Tani që lidhja e tyre është konsoliduar goxha, mund të jetë thjesht çështje kohe që profilet e tyre në Instagram të mbushen me momentet e bukura që fansat e tyre i kanë pritur prej kohësh.