Ferizaj frymon ndryshe tash e më shumë se një vit, nga koha kur e mori klubin Lulzim Abazi.
E para, e shpëtoi nga falimentimi.
E dyta, e stabilizoi gjendjen brendapërbrenda klubit.
E treta, krijoi kushte dhe e ktheu klubin aty ku e ka vendin në shoqërinë e më të mirëve.
Ashtu siç kemi paralajmëruar para disa javësh, se Ferizaj do t’i rikthejë lojtarët e vet që po luajnë në klube tjera, ashtu edhe po ndodhë!
E ktheu sulmuesin Astrit Fazliun, pastaj mesfushorin Bujar Shabanin dhe sot edhe portierin Leutrim Rexhepin.
Abazi nuk do të ndalet me kaq, është në negociata edhe me 7-8 futbollistë dhe vetëm pritet dita – ditës edhe zyrtarizimi.
Synimi i tij është që klubin ta dërgojë edhe në garat evropiane, për herë të parë në histori të këtij kolektivi.
Primare e ka të krijojë kushte dhe me rezultate t’ua flladit zemrën ferizajasve të përvuajtur për suksese, po ashtu për herë të parë në histori të shijojnë arenën ndërkombëtare.
