Lukashenko e pranon se Bjellorusia do të luftojë për një pjesë të Ukrainës

Alexander Lukashenko, presidenti i vetëshpallur i Bjellorusisë, ka sugjeruar se trupat bjelloruse mund të duhet të luftojnë për perëndim të Ukrainës, në mënyrë që ajo “të mos copëtohet nga Perëndimi”.

Sipas Lukashenkos, Bjellorusia është një “objekt presioni” për Perëndimin, kryesisht për arsye gjeopolitike.

Ata (Perëndimi) nuk e kanë braktisur ende qëllimin e rreshtimit të frontit në mënyrë që ai të kalojë nga Smolensk-Pskov, Smolensk-Bryansk-Kursk dhe prej andej në Rostov. Ata duhet të rreshtojnë frontin. Dhe ne jemi një mijë kilometra nga aty, jemi në ballkon, prandaj edhe duhet të mbrojmë”, tha ai.

Lukashenko shtoi se “ata (Perëndimi) nuk do të ndalen me kaq”.

“Ata do të vijnë nga Ukraina Perëndimore ose diku tjetër. Ndoshta do të na duhet të luftojmë për Ukrainën Perëndimore që të mos shkatërrohet, sepse kjo është vdekje për ne, dhe jo vetëm për ukrainasit”, shtoi ai.

Gjithashtu, Lukashenko u bëri thirrje zyrtarëve bjellorusë që të nxjerrin përfundime nga protestat paszgjedhore të vitit 2020 dhe të parandalojnë një përsëritje të skenarit ukrainas.

GAZETA.MK

Story i mëparshëm

Sekretari amerikan i Mbrojtjes: Kina po bëhet agresive

Story i radhës

Miqtë mund të ndikojnë pozitivisht në shëndetin tuaj mendor

Të fundit nga

AlbanianMacedonianEnglish