Ish-zv.ministri i Brendshëm, Selam Shkodra ka komentuar debatet në distancë mes presidentes Vjosa Osmani dhe ministres së Jashtme Gërvalla duke përdorur madje dhe këngët e një këngëtareje të njohur në Kosovës.
Teksa për diplomaten Gërvalla nuk kishte asnjë mendim pozitiv në krye të detyrës saj, Shkodra u shpreh se presidentja nuk duhet ta bënte të njëjtën gjë, teksa e cilësoi përplasjen si një divorc zyrtar në mes të Prishtinës.
“E çuditshme se si ka rënë niveli i debatit. Debatojnë në distancë me këto fraza. Përballa ka shumë sfida, teksa lidershipi merret me gjëra periferike. Mendoj se presidentja është në një situatë të padurueshmërisë të qeverisë, veçanërisht për Kurtin.
Mendoj se ministrja e Jashtme nuk ka bërë ndonjë punë serioze që kur ka marrë mandatin.
Nuk kam mundur ta besoj që kanë shkuar deri në këtë nivel. Ai bëri divorcin me Osmanin në mes të një eventi në sheshin kryesor të Prishtinës. Nuk e kuptoj përse Osmani ra në të njëjtin nivel. Po të isha në vendin e Osmanit nuk do ta faktorizoja”, tha Shkodra.
