LSDM nëpërmjet një kumtese për media, kanë akuzuar kryetarin e OBRM-PDUKM-së, Hristijan Mickoski, se i njëjti gjatë gjithë vitit që po lëmë pas 2022, ka gënjyer opinionin, e për këtë shkak, atij nuk i besohet më.
Siç thonë nga LSDM, një nga gënjeshtrat më të mëdha të Mickoskit është se VMRO-DPMNE nuk ka qenë në koalicion me Danella Arsovskën.
“Është fakt se ajo ka qenë kandidat i tyre për kryetar komune, e pikërisht Mickoski dhe udhëheqësia e VMRO-DPMNE-së kërkuan mbështetje nga qytetarët për Arsovskën, fakt është se ajo fitoren e festoi në pallatin e bardhë. Koalicioni Mickoski – Arsovska – Levica edhe më tej funksionon. Përleshjet mes Arsovskës dhe Mickoskit kanë qenë vetëm për tenderë”, thuhet mes tjerash në kumtesë.
Reklama
Nga kjo parti shtojnë se Mickoski madje premtonte blerjen e 100 autobusëve elektrik për transport në Shkup, por edhe hapjen e fabrikës për prodhimin e autobusëve elektrikë, e cila do të punësonte rreth 500 persona. LSDM thotë se jo vetëm që nuk ka 100 autobusë të rinjë por edhe ato që janë nuk funksionojnë.
