Gjiganti anglez, Liverpool vazhdon interesimin për anësorin e Real Madridit, Marco Asensio.
E ardhmja e Asensio duket të jetë larg Real Madridit.
Spanjolli ka kontratë deri në vitin 2023 me ‘Mbretërit’, por pritet të largohet nga ‘Santiago Bernabeu’ këtë merkato.
Asensio nuk është i lumtur me minutat që ka marrë nën drejtimin e Carlo Ancelottit, andaj largimi duket opsion më i mirë për të.
Sipas ‘AS’ Liverpool vazhdon të interesohet për situatën e spanjollit.
Përveç gjigantit anglez, anësori ka oferta edhe nga Milani dhe Arsenal.
Mbetet të shihet se cili do të jetë vendimi i lojtarit për të ardhmen e tij.
