Turqia do t’i dhurojë Lituanisë dronin luftarak Bayraktar, i cili do t’i dorëzohet Ukrainës, pasi qindra lituanezë mblodhën rreth gjashtë milionë euro për ta blerë atë, tha Ministria e Mbrojtjes e Lituanisë.
Prodhuesi Baykar do të dorëzojë dronin e avancuar luftarak TB2, të lyer me ngjyrat e flamurit lituanez dhe ukrainas, brenda pak javësh, sipas ministrisë.
“Ne erdhëm në Turqi për të rënë dakord për kushtet për blerjen e dronit, por ata na përgatitën surprizën më të këndshme të mundshme”, tha ministria lituaneze.
“Populli i Lituanisë ka mbledhur me nder fonde për të blerë një Bayraktar TB2 për Ukrainën. Pasi e kuptuam këtë, Baykar do t’i dhurojë Lituanisë një Bayraktar TB2 falas dhe kërkon që ato fonde të shkojnë në Ukrainë për ndihmë humanitare”, njoftoi kompania turke BaykarTech.
Qindra banorë të Lituanisë po mbledhin fonde për të blerë një dron të avancuar ushtarak për Ukrainën, që do ta ndihmonte atë në luftën kundër Rusisë. Veprimi ndërmerret në shenjë solidariteti me një vend tjetër ish-sovjetik, që ndodhet aktualisht nën agresionin e Moskës.
5.9 milionë euro u mblodhën për ta financuar blerjen e dronit ushtarak në vetëm pak ditë, kryesisht në shuma të vogla midis 5 dhe 100 euro, sipas Laisves TV, kompanisë lituaneze të internetit që nisi aksionin.
Rreth 1.5 milionë euro të mbledhura nga lituanezët do të përdoren për të paguar për armët me dron, tha Ministria e Mbrojtjes dhe pjesa tjetër do të përdoret për të ndihmuar Ukrainën.
The people of Lithuania have honorably raised funds to buy a Bayraktar TB2 for Ukraine.
Upon learning this, Baykar will gift a Bayraktar TB2 to Lithuania free of charge and asks those funds go to Ukraine for humanitarian aid.
🇹🇷🇺🇦🇱🇹@a_anusauskas@VSemeska@Lithuanian_MoD pic.twitter.com/3PjIyZiME5
— BAYKAR (@BaykarTech) June 2, 2022
