Liria e Prizrenit nuk ka startuar mirë në edicionin e ri të Ligës së Parë të Kosovës, grupi A.
Kapiteni i Lirisë, Robert Gjeraj, tregon edhe shkaqet që dolën duarthatë nga Rahoveci, duke pësuar humbje me rezultat 2:0.
Futbollistët e Lirisë hedhin pas shpine humbjen në Rahovec, tani përqendrohen për sfidën në udhëtim me Drenasin.
Gjeraj shpjegon shkaqet e humbjes në hapje të edicionit të ri.
“Mendoj që pati shumë faktorë që nuk shkoj si duhet, duke u nis nga fusha e keqe, temperatura e lartë, dhe disa lojtarë ju duhet akoma kohë që të adaptohen në ekip.
Mirëpo, është vetëm java e parë dhe do të përmirësohemi edhe më shumë”, thotë Gjeraj për gazetën kombëtare “Bota sot”.
Liria sërish luan jashtë, kësaj radhe ndaj Drenasit që befasojë (1:0) Trepçën, si e sheh ekipin tuaj në këtë sfidë?
“Unë mendoj se në Ligën e Parë çdo ekip mund ta mposht njëra – tjetrën, andaj shpresoj në fitore sepse ne hyjmë për çdo ndeshje vetëm për 3 pikë. Do të angazhohemi vetëm për 3 pikë”, përfundon Gjeraj.
