Krejt në rregull. Ata janë për vazhdimin e dialogut të Kosovës me Serbinë, për çka asnjëherë nuk janë deklaruar kundër as nga Kosova, deri sa nga Serbia shpesh ka pasur parashtrim kushtesh për vazhdimin e dialogut, ani pse në anën tjetër, kanë qenë deklaruar se janë për dialog. Por, në Serbi janë për dialog, nëse tjerët pajtojnë ashtu siç thonë e kërkojnë ata, ndryshe, e ndërpresin dialogun.
Nejse, mua edhe ashtu, më intereson vazhdimi i dialogut, le të takohen veç e veç me udhëheqësit e Koaosvës, pastaj veç e veç edhe me liderët partiak.
Mirëpo, a ka mundësi që këta ndërmjetësues, të takohen edhe bashkarisht me të gjithë në Kosovë, përfshirë Kryetaren Osmani, Kryeministrin Kurti, Kryetarin e Kuvendit të Kosovës, z. Konjufca e pastaj, në një takim tjetër të takohen bahskarisht edhe këta e edhe kryetarët e partive politike.
Këtu do të mund të bisedohej shtruar, ngadalë e të paraqisnin të gjithë idetë e tyre përpara ndërmjetësuesëve, ku do të shihej qartë kush çka kërkon dhe sa do të mund të ishin të realizueshme kërkesat e tyre të përbashkëta.
Këtu do të mund të paraqesin qëndrimet e tyre të gjithë dhe ato t’i unifikojnë e të mos luhet me shtetin. Kur është fjala për përjashtë, të gjithë duhet të jenë në një vend.
31 janar 2022
