Kur fitohet një famë e keqe, është e komplikuar t’u ndryshon mendjen të tjerëve. Paragjykimet vrapojnë më shpejt se realiteti i gjërave dhe në fund është pothuajse e pamundur t’i fshish.
Mjafton për “të keqin” më të famshëm të futbollit europian: Sergio Ramos. Ish-kapiteni i Real Madrid dhe i Spanjës, aktualisht te PSG, është një nga lojtarët më të kritikuar. E vlerësojnë vetëm tifozët e Los Blancos dhe ata të PSG, dhe jo të gjithë.
Po për çfarë kritikohet? Një lojë në limitet e rregullave dhe në disa raste përtej tyre. Një tjetër gjë që nuk pëlqehet nga Ramos është dëshira e tij për të bërë skena dhe provokime. Po a është vërtetë kështu?
E çuditshme, por e vërtetë. Sergio Ramos ka gjetur një mbrojtës. Ai, që atë rol e ka zanatin e tij, ka marrë elozhe nga një sulmues. Mos është kthyer bota përmbys vallë? Ku i dihet.
Megjithatë, fjalët e sulmuesit norvegjez Joshua King janë befasuese. Sulmuesi i Watford ka përshkruar një Ramos që nuk është parë ndonjëherë në një intervistë të dhënë për norvegjezen VG.
“Besoj se e bën shumë mirë punën e tij, se është një nga qendërmbrojtësit më të mirë në botë”, ka thënë King dhe deri këtu nuk ka asgjë të pazakontë.
