Fundvitet e 70-ta dhe vitet e 80-ta, vitet e kremtes së sportit.
Vite të paharruara, atmosferë e zjarrtë në stadiumin e Prishtinës ku e përcillni një ndeshje 35-40 mijë shikues.
Trepçën në Mitrovicë deri 15 mijë shikues në stadiumin ku tani e ka emrin “Riza Lushta”.
Atmosfera në Mitrovicë në vitin 1978
Në Prizren deri 8 mijë shikues e ndiznin atmosferën, në Gjilan edhe 10 mijë shikues. 
Gjakova kuqezi hidhej në festë kur fitonte Vëllaznimi në Ligën e Dytë federative të ish Jugosllavisë, Grupi i Lindjes, mbahet mend ende fitorja me 1:0 ndaj OFK Beogradit në javën e parë të edicionit 1983-1984, me kryetrajner Ajet Shoshollin dhe stadiumi nuk kishte vend as për gjilpërë.
Vitet që kujtohen me nostalgji nga gjeneratat e vjetra. Vitet kur Prishtina me kapitenin Fadil Vokrri e mposhte Cërvena Zvezdën e Beogradit, Partizanin e Beogradit, Hajdukun e Splitit, Dinamon e Zagrebit etj.
Në Prizren
Mjeshtri i fotografisë, Ilaz Bylykbashi, fotoreporter i mirënjohur, sot ka publikuar disa foto, ku shihet edhe makina e njohur si fiqa kur i printe kolonës në festën në Mitrovicë gjatë vitit 1978, Trepça në ligën e parë e në finale të Kupës “Marshall Tito”.
Në Gjakovë
“Kështu mbusheshin stadiumet futbollistike në Kosovë gjatë viteve 1980- ta: Prishtina e Prishtinës, Trepça e Mitrovicës, Vëllaznimi i Gjakovës, Liria e Prizrenit dhe Gjilani i Gjilanit!”, ka shkruar Bylykbashi në profllin e tij në facebook.
