Përderisa Serbia dhe Kosova nuk njohin njëra tjetren nuk mund të ketë Ballkan të Hapur!
Më 7 prill, Asambleja e Përgjithshme e OKB-së miratoi një rezolutë që pezullonte anëtarësimin e Rusisë në Këshillin e OKB-së për të Drejtat e Njeriut dhe vendet e rajonit, përfshirë Serbinë, votuan pro rezolutës
Presidenti i Serbisë, Aleksandar Vuçiq, për të arsyetuar vendimin e marrur kundra Rusisë arsyetohet duke deklaruar se Serbia ka dashur të abstenojë gjatë votimit, por është përballur me presione të mëdha.
Kurse Kryeministri Edi Rama në Kongresin e Partisë Socialiste ( 09.04.2022) na “zbuloi” se pikërisht ishte Ballkani i Hapur ai që bëri të mundur që Serbia të ishte në anën e Perëndimit në OKB kundër Rusisë, dhe pastaj me mburrje vazhdoi “Jemi të vendosur për të ecur më tutje me Ballkanin e Hapur le të thonë çfarë të duan përfaqësuesit e turbofolkut nacionalist. Ne do vazhdojmë me Ballkanin e Hapur”.
Njëherit Kryeministri i Shqiperisë nuk heziton që me gjithë forcë të mbronë Ballkanin e Hapur duke përdorë fjalorin inatqor ndaj tri shteteve tjera të cilat nuk jan të gatshme të bëhen pjesë e Ballkanit të Hapur siq jan “përfaqësuesit e turbofolkut nacionalist” Mali i Zi , Bosnja e Hercegovina dhe Kosova.
Politika shqiptare duhet të zhvillohet e pamvarun nga politikat serbe apo e Ballkanit të Hapur. Kjo më së miri u vertetue me rastin e pushtimit të Ukraines nga Rusia e Putinit, ku e gjith Europa e akuzoi Rusinë dhe përkrahen vuemjen e sanksioneve përveq Serbisë dhe Hungarisë,
Pse Edi Rama duhet të mbronë Aleksander Vuqiqin duke e mashtruar popullin e Shqiperisë se Ballkani i Hapur ishte ai që bëri të mundur që Serbia të ishte në anën e Perëndimit në OKB kundër Rusisë.?!
Edhe një herë duhet cekur se Ballkan të Hapur mund të ketë atëher kur të gjitha shtetet e ballkanit e njohin njëra tjetren dhe kanë statusin e barabartë si shtete të pavarura dhe sovrane.
Për deri sa Serbia dhe Kosova nuk njohin njëra tjetren nuk mund të ketë Ballkan të Hapur!
Atëhere kujt i shërben Ballkani i Hapur?
