Kryetari i Gjykatës Themelore në Strugë, Vulnet Vinca, i cili kryesonte Këshillin Penal kur ai vendosi t’ia kthente pasaportën biznesmenit të akuzuar Borçe Markovski, nga sot nuk është më gjyqtar për shkak të plotësimit të kushteve për pension pleqërie, njoftoi „360 gradë“.
Ai ka dorëzuar kërkesë në Këshillin Gjyqësor për të vazhduar ushtrimin e funksionit, e cila në seancën e sotme të Këshillit u refuzua me arsyetimin se ka vonuar dorëzimin e deklaratës së nevojshme. Po ashtu, Këshilli konstatoi se Vinca këtë muaj ka plotësuar kushtet për pension pleqërie.
Pasi gjykata ia ktheu pasaportën, biznesmeni Markovski dhorizontalisht u ndalua dje në pikën kufitare „Tabanovc“, por pas verifikimeve të kryera u lejuar të largohej nga shteti sepse ndaj tij nuk kishte asnjë masë aktive për ndalimin e kalimit të kufirit.
Avokati i Markovskit deklaroi sot se ai nuk është arratisur nga shteti, por ka shkuar në Serbi për të t’u angazhuar rreth biznesit që zotëron atje. Ai dhe shtatë persona të tjerë akuzohen për vepra penale që lidhen me furnizimin publik për dislokimin e stacioneve me energji nga TEC „Oslomej“ në REK „Manastir“.
Edhe pse pajisjet fare nuk ishin planifikuar për në Manastir, është realizuar tenderi, është nënshkruar marrëveshje në vlerë prej rreth 1.7 milion eurosh, ndërsa kompania e tij „Markovski Kompani“ si fituese i ka çmontuar makineritë nga Kërçova, i ka sjellë në Manastir dhe i ka lënë të pamontuara në hapësirën e REK „Manastir“.
Burimi: lajmpress.org
