kryeministria per sulmin kibernetik ndaj e albania te dhenat e qytetareve nuk jane prekur 62d57889529f3

Kryeministria për sulmin kibernetik ndaj e-Albania: Të dhënat e qytetarëve nuk janë prekur

July 18, 2022
min lexim

Në një tjetër reagim zyrtar ditën e sotme, zyra e Kryeministrit të Republikës së Shqipërisë hodhi më shumë dritë mbi sulmin kibernetik që çoi në bllokimin e aksesit në e-Albania. Në njoftim thuhet se të dhënat e qytetarëve nuk janë prekur dhe se po punonin së bashku me Microsoft dhe ekspertë të Jones Group të cilët kanë ardhur në Shqipëri.

Nga deklarata mësojmë është tentuar të sulmohet me ransomware ndërsa më shumë detaje pritet të mësojmë në ditët në vijim. Portali shtetëror e-Albania është i paaksesueshëm që nga dita e djeshme kur AKSHI-ja dha lajmin për një sulm kibernetik të sofistikuar nga jashtë vendit.

Deklarata e zyrës së Kryeministrit të Republikës së Shqipërisë

Mesditën e së premtes, nëpërmjet platformave të monitorimit për sigurinë kibernetike të ngritura për sistemet dhe infrastrukturat qeveritare, u vu re një sulm kibernetik kompleks dhe në shkallë të gjerë. Menjëherë, duke ndjekur protokollet e reagimit, u krye izolimi i infrastrukturave dhe sistemeve qeveritare për të garantuar mbrojtjen e të dhënave. Metodat mbi të cilat aktorët keqbërës kanë vepruar janë të ngjashme me sulmet e vitit të fundit, të vëna re në hapësirën kibernetike ndërkombëtare. Teknikat mbi të cilat ky sulm mbështetet janë të së njëjtës natyrë me ato të përdorura për një sërë sulmesh kibernetike në domain-et qeveritare dhe private të kohëve të fundit, si në Ukrainë, Gjermani, Lituani, Maltë, Holandë, Belgjikë dhe vende të tjera të rajonit. Vetëm në Ukrainë këtë vit ka pasur 5 sulme me të njëjtën metodologji, ndërsa në Gjermani i njëjti lloj sulmi ka nxjerrë jashtë funksioni impiantet e prodhimit të energjisë me erë.

Këto metoda maskohen fillimisht me sulme të tipit Ransomware, me anë të të cilave keqbërësit kërkojnë të largojnë vëmendjen nga qëllimi real, që është sulmi ndaj sistemeve kritike. Hapi i dytë i këtij sulmi të përqendruar dhe sofistikuar është goditja në sistemet kritike digjitale të shtetit shqiptar për t’i nxjerrë jashtë funksionit. Fatmirësisht, detektimi dhe përgjigja e shpejtë ndaj këtyre sulmeve bëri që sistemet qeveritare të dalin të paprekura. Që në momentet e para të evidentimit të këtij sulmi AKSHI është duke bashkëpunuar ngushtësisht me partnerët tanë të Microsoft nëpërmjet ekspertëve të tyre më të mirë kibernetikë të Detektimit dhe Përgjigjes ndaj Incidenteve (DART team). Gjithashtu ekspertët e “Jones Group International” janë këtu, për trajtimin e situatës dhe kthimin sa më shpejt në normalitet. Sistemet qeveritare kanë të gjitha back-up dhe janë të sigurta. Në këtë moment jemi duke verifikuar sistem pas sistemi që këto të fundit të jenë të sigurt në çdo element, përpara se të kthehen sërish online dhe në funksionalitet të plotë. Paralelisht të gjithë aktorët institucionalë janë në gatishmëri të plotë dhe në komunikim të vazhdueshëm për hetim të thellë e të detajuar të këtij krimi kibernetik. Sigurojmë të gjithë qytetarët se të dhënat e sistemeve të informacionit të shërbimeve qeveritare janë të sigurta dhe të paprekura. Nuk ka vend për polemika politike aq kohë sa jemi përballë një armiku të përbashkët në këtë luftë kibernetike, ndaj të lëmë ekspertët të bëjnë punën e tyre në mënyrë që çdo sistem që rikthehet në punë të jetë funksional dhe mbi të gjitha i sigurt”.

/PCWorld Albanian

GAZETA.MK

MARKETING

RENT A CAR

MARKETING

organizatat kriminale mafia nuk jane te pathyeshme 62d5784d8e066
Story i mëparshëm

“Organizatat kriminale (mafia) nuk janë të pathyeshme”!

rama nis betejen per thacin shqiperia propozon rezolute kunder pretendimeve te dick martyt 62d578bfce31f
Story i radhës

Rama nis betejën për Thaçin, Shqipëria propozon rezolutë kundër pretendimeve të Dick Martyt

Të fundit nga

Tërmet në veri të Kalifornisë

Një tërmet me magnitudë 3.9 u raportua në orën 19:46, të hënën në veri të Kalifornisë më pak se një milje nga Dublini, sipas Shërbimit Gjeologjik të SHBA. Tërmeti ndodhi një milje
afsqamarhyazeubebnbsbgcacebnyzh-CNzh-TWcohrcsdanleneoettlfifrfyglkadeelguhthahawiwhihmnhuisigidgaitjajwknkkkmkokukylolalvltlbmkmgmsmlmtmimrmnmynenopsfaplptparorusmgdsrstsnsdsiskslsoessuswsvtgtatethtrukuruzvicyxhyiyozu
ShkoLartë