Kryeministri Kurti priti në takim krerë politikë shqiptarë nga Maqedonia e Veriut

Kryeministri Albin Kurti, të martën priti në takim përfaqësues të disa partive shqiptare nga Maqedonia e Veriut.

Pjesë e takimit ishin: Arben Taravari, Kryetar i Aleancës për Shqiptarët (ASh) dhe i Komunës së Gostivarit, si dhe udhëheqësit e Lidhjes Evropiane për Ndryshim (LEN), Bilall Kasami, Kryetar i Lëvizjes BESA e i Komunës së Tetovës, Izet Mexhiti, Kryetar i Lëvizjes Demokratike dhe deputet, dhe Afrim Gashi, Kryetar i Alternativës, po ashtu deputet.

Siç njoftohet, u diskutua për situatën në rajonin e Ballkanit, për fqinjësinë e mirë dhe perspektivën e partneritetit të rëndësishëm ndërmjet Kosovës dhe Maqedonisë së Veriut.

Kurti i njoftoi kryetarët shqiptarë nga Maqedonia e Veriut për takimet e bisedat që ka pasur me krerët shtetërorë të Maqedonisë së Veriut dhe ata e njoftuan për zhvillimet politike atje.

“Temë e diskutimit ishte edhe situata shoqërore e ekonomike e komunitetit shqiptar në Maqedoni, nevoja për demokraci e stabilitet si dhe përmirësim e mbarëvajtje të raporteve mes komuniteteve etnike në atë vend, gjë të për të cilën Kosova vetë është shembull, por edhe e promovon dhe e mbështet”, thuhet në njoftim.

Katër udhëheqësit shprehën propozimin e tyre për një president të Maqedonisë së Veriut i cili mishëron bashkëjetesën mes etnive dhe garanton rrugën evropiane të Maqedonisë së Veriut, president i cili kësaj radhe duhet të vijë nga mesi i shqiptarëve.

Burimi: alsat.mk

…më shumë se një GAZETË

Kryeministri Kurti priti në takim krerë politikë shqiptarë nga Maqedonia e Veriut

Të fundit nga

Bajrami përmend gabimet e Qeverisë ku ai bëri pjesë

Ibrahimi: Liderët e VLEN-it kanë nisur negociatat me VMRO-në për ndarjen e “kulaçit”! Reagon Lloga dhe Dauti: Në emër të kujt?

Arifi: Jemi më larg se tri vite më parë për marrëveshje me Serbinë

Apple refuzon aplikacionet të cilat përmbajnë çmimin në titull

Shefi i shtabit të BDI Tetovë, Xhemail Jusufi: Dështimet e Kasamit nuk kanë të numëruar, Tetova më 8 maj do të dënojë përbuzjen

Izet Mexhiti: Bashkë me Bilallin, Afrimin, Bekimin dhe Arbenin na presin punë dhe përgjegjësi të mëdha

Sherr me mjete prerëse në Kavajë, 28-vjeçari përfundon në spital