Kris Jenner ka ndarë një urim emocionues për vajzën e saj, modelen e njohur Kendall Jenner, me rastin e ditëlindjes së saj.
Përmes një postimi në rrjetet sociale, Kris ka shprehur krenarinë për arritjet e së bijës, duke theksuar se përtej suksesit të saj, ajo ndihet edhe më krenare për gruan që Kendall është bërë.
Ajo e ka përshkruar vajzën me fjalë të shumta dashurie, duke e cilësuar si të sjellshme, të pasionuar, të durueshme, humoriste, të dashur, të zgjuar, krijuese dhe besnike.
“Jam shumë krenare për gjithçka që ke arritur, por edhe më krenare për gruan e mrekullueshme që je dhe jetën që po krijon për veten tënde”, ka shkruar Kris.
Në urimin e saj, ajo ka theksuar se Kendall i përkushtohet 100 për qind çdo gjëje që bën dhe njerëzve që do, duke shtuar se familja ndihet e bekuar që ka dashurinë e saj.
Në fund, Kris Jenner ka shprehur dëshirën që viti i ri i jetës së së bijës të jetë i mbushur me dashuri, lumturi dhe kohë për gjërat që e bëjnë atë të lumtur.
“Pavarësisht se sa e rritur bëhesh, ti gjithmonë do të jesh vajza ime e vogël”, ka përfunduar ajo urimin, duke i shprehur dashurinë me fjalë prekëse.
Burimi: botasot.info
