Një grup prej 20 studentësh nga fakultete të ndryshme nga Universiteti Shën Kirili dhe Metodi po punojnë për ndërtimin e veturës së parë në Maqedoni në një nga laboratorët e Fakultetit të Inxhinierisë Mekanike në Shkup. Me këtë projekt ata do të marrin pjesë në “Formula Student”, konkurs global për inxhinierët e ardhshëm të industrisë së automobilave, i cili do të mbahet në gusht në Kroaci. Hartina, e cila është pjesë e skuadrës, thotë se ndonjëherë përderisa punojnë në makinë edhe flejnë në laborator.
Nga e morët inspirimin për të krijuar Bolid (automjet)?
“Rreth dy vjet më parë, një ekip i vogël studentësh donin të merrnin gjërat në duart tona, pamë se mungonte mësimi praktik në Fakultetin e Inxhinierisë Mekanike dhe donim të fillonim një projekt që do të na siguronte njohuritë që na nevojiten për të hyrë në botën reale në industri”, tha Hartina Sakova, studente e fakultetit Makinerik viti i 4
-Sa persona punoni në këtë projekt?
“Tani për tani jemi 20 studentë nga fakultetet e ndryshme”.
-Nga çka përbëhet Bolidi?
“Kur filluam kërkimet, në fillim donim që sigurisht të gjithë duan një makinë me teknologjitë më të shtrenjta për ta bërë atë, por për vitin e parë nuk është realisht e mundur dhe vendosëm të shkojmë me një shasi të bërë nga tuba çeliku që plotëson rregulloret”, u shpreh Hartina.
-Çfarë elektrike është përdorur në Bolid?
“Në vetë Bolid-in ka një njësi kontrolli që kontrollon të gjithë sensorët për shpejtësinë, për presionin, për të gjitha gjërat që i duhen vërtet një motori për të funksionuar dhe që shoferi të dijë se në çfarë gjendje është makina e tij kur drejton. Të lidhësh të gjitha këto gjëra në një makinë në të vërtetë nuk është as e thjeshtë, por duke komunikuar me të gjithë njerëzit në ekip dhe duke mësuar gjëra të reja, mund të gjesh vazhdimisht zgjidhjet më të bukura. Nga pikëpamja e elektronikës, motori përbëhet nga 4 injektorë për të 4 pistonët që ka vetë motori. Motori është Yamaha FZ6 injektorët e motorit 600 cc injektojnë karburantin, kandelat ndezin atë karburant të gjithë të kontrolluar me një goditje”, tha Georgi Kamçevski, student i Feit Elktro, viti i 4.
-Si financoheni, a ka qytetarë dhe kompani që mbështesin projekte të tilla?
“Ne kryesisht i marrim elementet konstituive, pjesët nga sponsorët, nga kompanitë. Momentalisht kemi edhe platformë për donacione ku secili që ka dëshirë me të vërtetë mund të dhurojë. Platforma është e qasshme në faqen tone”, përfundoi Georgi Kamçevski.
Burimi: tv21
