Kreu i Qeverisë së Republikës së Maqedonisë së Veriut, Dimitar Kovaçevski, i shoqëruar nga ministrja e Mbrojtjes, Sllavjanka Petrovska, u takua me Përfaqësuesin special të Mbretërisë së Bashkuar për Ballkanin Perëndimor Sir Stuart Peach, i shoqëruar nga ambasadori i Mbretërisë s Bashkuar, Matthew Lawson, transmeton Portalb.mk.
Në takim u diskutua për çështje aktuale në kontekstin rajonal dhe global, në drejtim të stabilitetit dhe paqes në Evropë dhe në botë.
Në këtë drejtim, u përshëndetën vendimet e Qeverisë që mundësuan fillimin e negociatave dhe përparimin në procesin e integrimeve evropiane si qëllim strategjik i Maqedonisë së Veriut dhe me rëndësi për stabilitetin dhe sigurinë si të rajonit ashtu edhe të Bashkimit Evropian.
Theksohet nevoja e fokusimit të të gjitha subjekteve politike në vend në politikat e zgjidhjeve, në vend të politikave të bllokadës dhe të prodhimit të keqkuptimeve, veçanërisht duke pasur parasysh kontekstin aktual politik të sigurisë globale.
Në të njëjtën kohë, vendosja e politikës së jashtme të Maqedonisë së Veriut, në përputhje me politikat e vendeve të Evropës, në raport me situatën në Ukrainë dhe kontributin e vendit tonë, përmes politikave të miqësisë dhe dialogut, në stabiliteti rajonal, u vlerësua si i rëndësishëm.
Në të njëjtën kohë, u shprehën urimet për marrëveshjen e nënshkruar FRONTEX, dje në Shkup, në gjuhën maqedonase, me të cilën u konfirmua njohja dhe respektimi i gjuhës maqedonase dhe identitetit maqedonas nga ana e Bashkimit Evropian.
Kryeministri Kovaçevski falënderoi për të gjithë mbështetjen e Mbretërisë së Bashkuar, e cila është jashtëzakonisht e rëndësishme në proceset demokratike, integruese, reformuese dhe të gjitha proceset tjera të rëndësishme për qytetarët e vendit tonë.
Mbretëria e Bashkuar, siç thuhet, është partner dhe mik i madh strategjik i Maqedonisë së Veriut dhe bashkëpunimi vazhdon të avancohet në këtë drejtim.
Bashkëpunimi ndërmjet Maqedonisë së Veriut dhe Mbretërisë së Bashkuar në kuadër të anëtarësimit në NATO është vlerësuar i rëndësishëm, me vendosmëri të shprehur për avancim të mëtejmë.
Në takim u diskutuan sfidat në fushën e energjisë, si pasojë e luftës në Ukrainë, si dhe u diskutuan mundësitë për zgjidhje të qëndrueshme në këtë drejtim, si në vendin tonë ashtu edhe rreth një nevoje të tillë në vendet e tjera evropiane.
Peach, takim zhvilloi edhe ministrin e Punëve të Jashtme Bujar Osmani. Në takim, Osmani e përshëndeti angazhimin intensiv të Peach në rajonin e Ballkanit Perëndimor, që e konfirmon edhe përkushtimin konzistent të Mbretërisë së Bashkuar për rajonin tonë.
Ministri e njoftoi të Dërguarin Special me procesin e fillimit të negociatave me Bashkimin Evropian dhe të Skriningut, duke shprehur bindje se i njëjti do të kontribuojë në progresin e pashmangshëm eurointegrues, përmes progresit të qëndrueshëm në zbatimin e reformave të BE-së në vend.
Të dy bashkëbiseduesit iu referuan bashkëpunimit të suksesshëm mes dy vendeve në fusha të tjera me interes të përbashkët. Mbretëria e Bashkuar vazhdon të jetë partneri ynë i dytë më i madh tregtar dhe një nga investitorët e huaj direkt më të mëdhenj në vendin tonë.
Përfaqësuesi Special, Peach siguroi se Mbretëria e Bashkuar do të vazhdojë ta mbështesë fuqishëm integrimin evropian të Maqedonisë së Veriut dhe procesin e ruajtjes së sigurisë dhe stabilitetit në të gjithë Ballkanin Perëndimor, në mënyrë që të kapërcehen të gjitha rreziqet dhe pasojat e shkaktuara nga lufta në Ukrainë. Ai përshëndeti rolin dhe përkushtimin e Maqedonisë së Veriut si aleate në NATO në drejtim të ruajtjes së paqes dhe sigurisë globale.
Burimi: portalb.mk
