Kryeministri Dimitar Kovaçevski paralajmëron dënime për të gjitha kompanitë që spekulojnë me çmimin e derivateve të naftës. Ai thotë se çmimi përcaktohet në bazë ditore nga Komisioni Rregullator për Energjetikë e duhet respektuar.
“Disa nga kompanitë që operojnë në tregun e naftës dhe derivateve të naftës, kanë shfaqur sjellje spekulative. Është sanksionuar menjëherë nga shërbimet përkatëse të inspektimit dhe disa që deri në fund të ditës kur pritej rritja e naftës, jepnin karburant gjatë gjithë kohës, kanë pësuar edhe humbje. Metodologjia është e tillë që nuk mund të manipulohet dhe të gjitha çmimet që përcaktohen rregullohen sipas asaj metodologjie.”,- tha kryeministri, Dimitar Kovaçevski.
