Kosova është mundur nga Norvegjia me rezultat 81:54 (13:15, 28:19, 25:2, 15:18), në ndeshjen e fundit të saj në Kampionatin Evropian për Shtete të Vogla, që po zhvillohet në Qipro.
Pas një fillimi të barabartë, vashat e Kosovës shkëputen në 4:11, dhe më pas ishin në epërsi konstante 7:13 dhe 9:15, por katër pikë radhazi në fund nga skuadra e Qipros, bën që çereku i parë të përfundojë 13:15. Pesë minutat e periudhës së dytë ishin të barabartë, deri pranë rezultatit 26:26, por më pas norvegjezet filluan shkëputjen, duke përmbyllur pjesën e parë me rezultat 41:34.
Dallimi i madh dhe vendimtar u bë në periodën e tretë, ku Norvegjia ishte bindshëm më e mirë, ndërsa shifrat pas 30 minutash ishin 66:36. Në dhjetë minutat u zhvillua një lojë e barabartë, ndërsa rezultati përfundimtar i kësaj sfide ishte 81:54.
Te Kosova u dalluan Saranda Daci me 16 pikë e 11 kërcime, Era Shatri me 12 pikë e nëntë kërcime dhe Astera Tuhina me shtatë pikë, nëntë kërcime dhe shtatë asistime.
Kosova e përfundon Evropianin me një fitore e tri humbje.
