Prodhuesit e pllakave amë kanë qenë burimi i shumë informacioneve lidhur me gjeneratën e 14-të të procesorëve Intel dhe kësaj here radhën e ka ASRock.
Kompania në uebsajtin e saj ka postuar në blog ku flet për datën e debutimit të gjeneratës së 14-të të procesorëve Raptor Lake Refresh.
Fillimisht flet për performancën duke thënë se Core i9-14900K do të ofrojë mes 8 deri në 15 përqind më shumë performancë me të gjitha bërthamat krahasuar me Core i9-13900K.
Ndryshe nga modelet e tjera, Core i9-14900K nuk do të ketë rritje të numrit të bërthamave ndryshe nga Core i7-14700K që do të ketë 4 bërthama shtesë E-cores.
Performanca për këtë të fundit mund të rritet me 17 përqind. Ndërkaq rritja e performancës për Core i9-14900K do të jetë kryesisht nga frekuenca.
ASRock thotë se frekuenca e 14900K do të rritet mes 4 deri në 8 përqind krahasuar me 13900K. Siç pritej kompania konfirmoi se pllakat amë LGA1700 do të jenë të përshtatshme për gjeneratën e re.
/PCWorld Albanian
BURIMI: PCWORLD.AL
