Komuna e Gjakovës ka njoftuar të gjithë banorët që kanë pësuar dëme nga vërshimet e fundit se ka hapur procesin e pranimit të kërkesave për vlerësim.
Për të zbutur pasojat e shkaktuara nga reshjet e fundit, Komuna e Gjakovës ka hapur procesin e pranimit të kërkesave për vlerësimin e dëmeve. Ky njoftim u drejtohet të gjithë qytetarëve që kanë pësuar dëme, me qëllim që pasojat në infrastrukturën publike dhe në ekonomitë familjare të evidentohen dhe të marrin trajtimin e nevojshëm.
Ftohen të gjithë qytetarët e prekur që të dorëzojnë në arkivin e komunës dokumentet e mëposhtme:
• Kërkesën me shkrim, ku specifikohet lloji i dëmit
• Kopjen e letërnjoftimit
• Foto dëshmi të dëmeve të shkaktuara
• Numrin e telefonit kontaktues
Afati i fundit për dorëzim: Kërkesat duhet të dorëzohen më së largu deri me datën 23 janar 2026
“Ju inkurajojmë që t’i përmbaheni afatit të lartpërmendur në mënyrë që komisioni të ketë mundësi të bëj vlerësimin e të gjitha rasteve“, thuhet në njoftim.
Burimi: botasot.info
