Komisioni i Buxhetit i Parlamentit Evropian (PE) miratoi ndihmën e Bashkimit Evropian (BE) prej 400 milionë eurosh për fatkeqësitë në Türkiye për shkak të tërmeteve me qendër në Kahramanmaraş, raporton Anadolu.
Ndihma e Komisionit të BE-së për fatkeqësitë prej 454,8 milionë eurosh për Türkiyen, Italinë dhe Rumaninë u miratua nga komisioni përkatës me 26 vota pro dhe një kundër.
Pritet që ndihma të miratohet në votimin që do të mbahet në mbledhjen e Asamblesë së Përgjithshme të PE-së në Strasburg më 2-5 tetor. Ndihma e Komisionit mori miratimin nga Këshilli i BE-së, i cili përbëhet nga vendet e BE-së, një ditë më parë.
Për Türkiyen janë ndarë 400 milionë euro, e cila u godit nga tërmetet shkatërruese me qendër në Kahramanmaraş në shkurt, ndërsa 33,9 milionë euro nga ndihma do t’i dërgohen Rumanisë, e cila u godit nga thatësira në vitin 2022 dhe 20,9 milionë euro do të dërgohen në Itali, ku përmbytjet shkaktuan shkatërrime në shtator 2022.
Ndihma do të mbulohet nga seksioni i buxhetit të BE-së i ndarë për solidaritet dhe ndihmë emergjente.
