Në kategoritë të ndryshme në Zvicër, luajnë me sukses një numër i madh i shqiptarëve të Kosovës.
Ndër ta me sukses paraqitet edhe portieri Aruel Klinaku, i cili është anëtar i skuadrës së njohur FC St. Gallen U18.
Synimet e Aruelit janë që të stërvitet dhe të përsoset në çdo aspekt, për të shënuar suksese me ekipin e tij.
Ai ka reflekset të jashtëzakonshme dhe kur është në portë i jep siguri të madhe skuadrës.
Qysh në moshën 5-vjeçare ka filluar hapat e parë në akademinë Wil.
16-vjeçari, që nga qershori i këtij viti është pjesë e FC St. Gallen U18.
“Unë jam pjesë e ekipit St.Gallen U18.
Që nga mosha 5-vjeçare kam qenë në akademinë e futbollit të FC Wil deri në U16. Prej qershorit 2022 jam transferu në U18 të FC St.Gallen.
Stërvitjet janë shumë të mira. Unë e kam futbollin edhe pasion, për atë arsye jam shumë i motivuar dhe luaj me dëshirë”, thotë Klinaku për gazetën kombëtare “Bota sot”.
“Bota sot”: Si iu lindi dashuria për futboll?
Aruel Klinaku: Që nga fëmijëria kam qenë i lidhur me futbollin. Me kohën zbulova që futbolli dhe unë jemi të lidhur më shumë se sa veç hobi.
“Bota sot”: Cilat janë synimet?
Aruel Klinaku: Unë nuk mund ta paramendoj kohën time pa futboll. Që nga viti 2010 kur akademia e futbollit të St.Gallen mbajti një përzgjedhje prej 50 portierë, ku nga këta 50-të me zgjodhën talent i portierëve të kantonit në
St.Gallen. Prej atij momenti unë kam vepruar për me arrit qëllimin tim në drejtim profesional.
“Bota sot”: Ju paraqiteni edhe për kombëtaren e Kosovës U17, si ndjeni?
Aruel Klinaku: Unë jam shumë krenar që pas një viti testime nga kombëtarja e Kosovës, me ftoj të luaj në fanellën e Kosovës, për Kombëtaren time.
“Bota sot”: Si e sheh konkurrencën në kampionatin zviceran?
Aruel Klinaku: Konkurrenca është shumë e madhe sidomos prej moshës U18, mirëpo pasi që e kam këtë sport pasion dhe luaj me dëshirë dhe vullnet. Shpresoj që do të jem aty ku i kam qëllimet e mija.
