AirBaltic planifikon të jetë linja ajrore e parë që do të rifillojë fluturimet drejt Ukrainës në rast të një marrëveshjeje paqeje, ka njoftuar CEO Martin Gauss.
Transportuesi letonez ka baza edhe në Estoni dhe Lituani.
Të tre këto vende kufizohen me Rusinë dhe janë anëtarë të NATO-s dhe Bashkimit Evropian.
“Kjo do të ishte një përmbysje e madhe pasi ne ishim linja ajrore e fundit që i ndalëm fluturimet nga Ukraina dhe e para që do të fillonte”, tha Gauss.
Gauss deklaroi se fillimi i luftës ndikoi “shumë rëndë” në AirBaltic për shkak të flukseve të pasagjerëve të humbur nga Ukraina dhe Rusia, shkruan Business Insider.
Bëhet e ditur se linja ajrore është ende e penguar nga kufizimet e fluturimeve.
“Kufizimet e fluturimit janë ende atje dhe gjithçka që shkon në juglindje është, për ne, një devijim”, tha Gauss.
Siç raportohet, linja ka më shumë se 70 destinacione – duke përfshirë Qipron, Turqinë dhe Dubain – ku rruga më e shpejtë nga Letonia do të përfshinte fluturimin mbi Ukrainë.
Gjetja e rrugëve alternative nuk është e thjeshtë.
Gauss shpjegoi se si duke fluturuar në jug nga Baltiku, ekziston vetëm një “korridor i vogël” midis Bjellorusisë dhe enklavës ruse të Kaliningradit.
Ndryshe, Airbaltic është vendosur të jetë linja ajrore e parë në Evropë që do të përdorë internetin Starlink të Elon Musk.
Burimi: botasot.info
