“Big Brother VIP Albania” starton më 21 dhjetor. Teksa kanë mbetur edhe pak ditë nga nisja, Iconstyle ka mësuar emrat e dy prej banorëve që do jenë pjesë e shtëpisë.
Burime ekskluzive pranë “Big Brother Vip Albania”, na zbulojnë se emra të njohur të ekranit shqiptar, Rozana Radi dhe Laert Vasili, do të jenë pjesë këtij edicioni.
Kjo dyshe pritet të sjellë një dinamikë të veçantë në spektakël, duke qenë se të dy njihen për karakterin e tyre të fortë dhe personalitetin e spikatur. Rozana, një artiste shumëdimensionale me sukses si këngëtare, aktore dhe moderatore, do të sjellë energjinë e saj në shtëpi. Kujtojmë se Rozi sapo u shpall edhe fituese e “Kënga Magjike 2024”, ndaj me siguri do ketë edhe çfarë të rrëfeje mbi këtë eksperiencë dhe komentet që mori.
Ndërsa Laert Vasili, një aktor i njohur për rolet e tij teatrale dhe televizive, premton debate të forta./ Iconstyle
Burimi: botasot.info
