Kompozitori e producenti nga Kosova, Fatjon Miftari do ta përfaqësojë Qipron në Eurovision.
Ai është gjithashtu kompozitori i këngës përfaqësuese.
Miftari këtë e ka bërë të ditur në rrjetin social Facebook.
Ai thotë se kjo është shumë e rëndësishme për karrierën e tij.
“Këtë vit jam përzgjedhur të përfaqësoj shtetin e Qipros në Eurovision Song Contest 2022, si kompozitor dhe producent i këngës përfaqësuese së bashku me disa emra të mëdhenj të muzikës botërore si: Alex P, Arash, Eyelar Mirzazadeh, Robert Uhlmann, Viktor Svensson”, ka shkruar ai.
Ndërkaq ai ka falënderuar edhe kolegët që ka ndihmuar dhe gjithashtu delegacionin e Qipros për besimin.
Finalja e Eurovisionit do të mbahet më 14 maj në Torino të Italisë.
