Komisioni Evropian me një mesazh mbi rastin “Iva Mihailova”, “Brukseli nuk ndërhyn në çështjet dypalëshe”.
KE tha se ndihma konsullore është kryesisht në kompetencë të autoriteteve kombëtare. Brukselit iu dërguan pyetje: nëse Ministria e Jashtme e RMV-së e informoi Komisionin për rastin, nëse reagimet e autoriteteve bullgare janë në përputhje me detyrimet e Bullgarisë si shtet anëtar i BE-së dhe nëse Brukseli do të kërkojë përgjigje shtesë për rastin Mihailova.
Zëdhënësi i Komisionit Evropian tha se komisioni nuk ndërhyn në çështjet dypalëshe.
“Komisioni nuk ndërhyn në çështjet dypalëshe, dhe ndihma konsullore kryesisht bie në kompetencë të autoriteteve kombëtare”, thonë nga KE.
Ndërsa Shkupi e kërkon atë me një urdhër arresti ndërkombëtar, Sofja refuzon ekstradimin, duke përmendur Konventën Evropiane dhe mungesën e një marrëveshjeje të ratifikuar. Mihailova u largua nga Maqedonia vetëm pak ditë pas takimit kokë më kokë midis Mucunskit dhe Çamovas.
Ndërkohë, nga Berlini, Ministrja e Jashtme bullgare Petrova-Çamova dërgoi një mesazh për vlerat evropiane. Në takimin me homologun e saj gjerman Wadeful, ajo tha se respektimi i të drejtave themelore dhe mosdiskriminimi janë vlera kyçe të BE-së.
Burimi: botasot.info
