KB Trepça ka njoftuar se ndeshja e tyre ndaj Caledonia Gladiators në FIBA Europe Cup e planifikuar pas dy ditësh është shtyrë.
Arsyeja që ky duel është shtyrë është absurd, teksa klubi mitrovicas njofton se kjo ka ndodhur shkaku i vonesave nga administrata për të marrë vizat drejt Skocisë.
“Ndeshja e xhiros së VI ne kuadër të grupit H në mes të Caledonia Gladiators dhe Trepca e planifikuar të zhvillohet me datë 13.11.2024 është shtyer për një datë tjetër si pasojë e vonesave administrative në procesim të vizave hyrëse për Britani të Madhe”, shkruhet në njoftim.
Të njëjtë gjë ka bërë edhe klubi skocez i cili u ka kërkuar falje fansave.
Edhe ata në një postim të publikuar në rrjetet sociale, kanë shkruar se kjo është bërë pasi mysafirët nuk kanë marr vizat.
Trepça kishte humbur ndeshjen e zhvilluar në Mitrovicë ndaj skocezëve me rezultat 80-76.
Burimi: botasot.info
