Katy Perry fiton gjyqin për të drejtat e autorit të “Dark Horse”

Katy Perry nuk do të duhet të paguajë më 2.8 milionë dollarë për një reper që tha se i vodhi këngën e tij në hitin e saj ‘Dark Horse’.

Marcus Grey e paditi Perry-n në vitin 2014, duke thënë se ajo kishte plagjiaturë në ‘Dark Horse’ nga kënga e tij ‘Joyful Noise’

Juria ra dakord dhe i dha atij pagesën prej 2.8 milionë dollarësh, por një gjykatës më vonë e hodhi poshtë atë vendim, duke thënë se melodia nuk ishte “veçanërisht unike apo e rrallë”.

Duke e mbështetur atë vendim, një gjykatë apeli tha se vendimi origjinal mund të kishte mbytur krijimtarinë muzikore.

“Procesverbali na detyron të konkludojmë se kemi të bëjmë tërësisht me elemente muzikore të zakonshme dhe se ngjashmëritë midis tyre nuk lindin nga një kombinim origjinal i këtyre elementeve. Lejimi i një të drejte autori mbi këtë material në thelb do të ishte lejimi i një monopoli të pahijshëm mbi sekuencat e zërit me dy nota apo edhe vetë shkallën e vogël, veçanërisht në dritën e numrit të kufizuar të zgjedhjeve shprehëse të disponueshme kur bëhet fjalë për një figurë muzikore të përsëritur me tetë nota”,  u tha në vendimin e ri.

Vendimi i jep fund gjyqit tetëvjeçar

GAZETA.MK

Story i mëparshëm

Ahmeti: Nëse Gramoz Vokrri vendos të kandidohet, do të tërhiqem dhe do të jem ushtari i parë i tij

Story i radhës

Ekonomisti për rritjen e çmimeve: Ka abuzime, kjo periudhë mund të shmangej

Të fundit nga

AlbanianMacedonianEnglish