Kate Moss dhe vajza e saj, Lila, e cila i ngjan shumë nënës së saj, kaluan një mbrëmje nënë e bijë në Home House të Londrës të dielën, për të festuar 10-vjetorin e agjencisë së supermodeles.
Duke mos hequr dorë nga pozat e saj karakteristike prej modeleje, Kate, 52 vjeçe, mbajti shikimin e saj të ftohtë drejt përpara, teksa pozoi krah vajzës së saj 23-vjeçare, e cila është gjithashtu modele. Në festë morën pjesë edhe emra të njohur të botës së modës, shkruan Daily Mail, transmeton “Bota sot”.
Ndërsa Kate u shfaq elegante me një kostum të zi, të kombinuar me këpucë me rripa dhe taka, Lila tërhoqi vëmendjen me këmbët e saj, duke veshur një fustan të shkurtër rozë të çelët, në stilin e një neglizheje, me detaje dantelle të bardhë.
Ylli i pasarelave e kompletoi pamjen e saj provokuese me këpucë të kuqe me majë dhe bizhuteri argjendi, ndërsa Lila dukej në formë të shkëlqyer gjatë gjithë mbrëmjes, duke pozuar para fotografëve.
Më vonë, Kate shpërtheu në një buzëqeshje të lehtë teksa pozoi për një fotografi me gazetaren Katie Grand, themeluesen e revistës Perfect.
Revista Perfect ka bashkëpunuar me Kate për të publikuar një projekt të veçantë të shtypur, të quajtur “KMA Zine”, për të shënuar një dekadë nga themelimi i agjencisë së modeles, e cila mban emrin e saj.
Kate e krijoi agjencinë me synimin për të marrë më shumë kontroll mbi karrierën e saj.
Burimi: botasot.info
