Kate Middleton nderoi vjehrrën e saj të ndjerë, Princeshën Diana, në Jubileun Platinum të Mbretëreshës Elizabeth II.
Festa – që nderon jo vetëm 70-vjetorin e Madhërisë së Saj në fron, por edhe ditëlindjen e saj – filloi të enjten me Trooping the Color dhe paraqitjen e ballkonit.
Ndërsa e gjithë familja mbretërore ishte koordinuar në nuancat e blusë, Middleton zgjodhi një version të bardhë të fustanit të saj të preferuar Alexander McQueen, të kombinuar me një kapelë ngjyrë blu të errët nga Philip Treacy. Dukesha e Kembrixhit mbante gjithashtu një palë vathë safiri dhe diamanti, një varëse dhe unazën e saj të fejesës, bizhuteri që i përkisnin princeshës Diana.
Diana mbajti të njëjtët vathë në Met Gala-në e 1996-ës me një varëse me perla që përmbante në qendër një safir dhe një fustan blu të errët. Këto duket se kanë qenë ndër bizhuteritë e preferuara të Dianës, pasi ajo i ka përdorur në shumë raste të tjera.
Fustani i bardhë i Middleton dhe kapela janë gjithashtu një referencë e një veshjeje të Diana-s në vitin 1991 për një paradë të personelit ushtarak që kishte shërbyer në Luftën e Gjirit. Fustani i saj i bardhë kishte mbyllje me kopsa dhe mëngë deri në bërryl, shoqëruar me një kapelë bardh e zi.
Po ashtu, Middleton e veshi djalin e saj më të vogël, Princin Louis 4-vjeçar, me të njëjtin kostum marinari detar që Princi William mbante në Trooping the Color kur ai ishte vetëm 2 vjeç.
