schedule20:31 – 6 Mars, 2022
Kandidati i Partisë Demokratike për bashkinë Lushnje, Indrit Sefa ka falënderuar qytetarëet që ushtruan të drejtën e tyre të votës. Në një postim në rrjetet sociale, Sefa i siguron se vullneti i tyre në kuti do të lexohet siç ata e kanë hedhur.
“Kushtet atmosferike nuk ishin në favor të pjesëmarrjes së lartë në zgjedhje, por shumë lushnjarë e ushtruan të drejtën e tyre kushtetuese. Falenderoj me zemër këdo që mori pjesë në zgjedhje, pavarësisht preferencës së tyre politike. Jam i sigurt se përmbajtja dhe qytetaria do të na shoqërojnë deri më numërimin e votës së fundit! Vullneti i lushnjarëve do të lexohet siç është në kutitë e votimit.
Dëshirën për të patur një bashki në shërbim të njerëzve, e kam ndier në çdo takim me bashkëqytetarët e mi, prandaj besoj fort se vota e tyre është për ndryshimin! Çdo votë vlen! Çdo votë do të numërohet!”, tha Sefa. g.v/
