Kandidati i AKI-së për këshilltar në Komunën e Çairit, Enis Fazli, ka vendosur t’i bashkohet koalicionit qeverisës VLEN. Lëvizja e tij shihet si një hap me rëndësi për fuqizimin e strukturave të këtij blloku politik në Çair, një nga komunat më të rëndësishme shqiptare në Shkup.
Nga VLEN e kanë përshëndetur vendimin e Fazliut me një mesazh të ngrohtë mirëseardhjeje, duke e cilësuar si kthim në shtëpinë e vëllezërve. “Mirë se erdhe në shtëpinë e vëllezërve të tu. Inshallah e ke këmbën e lehtë dhe reflekton edhe për të tjerët që janë në anën e gabuar,” thuhet në reagimin e tyre.
