Është publikuar një video ku thuhet se mjete të rënda motorike të KFOR-it, janë parë rrugës për në Mitrovicë.
Këto mjete të KFOR-it janë parë në hyrje të Vushtrrisë e si duket destinacion e kanë Mitrovicën.
Në këtë video shihen kamionë të cilët mund të përdoren për largimin e barrikadave në veri të vendit.
Në anë tjetër, sot janë bërë 10 ditë që nga vendosja e barrikadave në pjesën veriore të Kosovës.
Aktualisht situata raportohet të jetë e qetë teksa gjatë së dielës, në anën serbe të pikës kufitare në Jarinje u protestua.
Për këtë protestë, KFOR-i e ka pranuar se brenda protestuesve në Jarinjë mund të ketë pasur grupe të organizuara kriminale.
Kujtojmë se SHBA dhe BE kanë bërë thirrje që “menjëherë” të largohen barrikadat e vendosura në Zveçan, Zubin Potok e Leposviq, komuna këto që shtrihen në pjesën veriore të Kosovës.
