Japonia do të fillojë të zbatojë masat e pikave kufitare për udhëtarët e ardhur nga Kina ku rastet e COVID-19 kanë shënuar rritje, transmeton Anadolu Agency (AA).
Qeveria japoneze po merr masa pas deklaratës së Organizatës Botërore të Shëndetësore (OBSH) se rastet e COVID-19 janë rritur sërish.
Kryeministri japonez Fumio Kishida në një deklaratë për gazetarët tha se janë të shqetësuar për rritjen e rasteve të virusit në territorin kryesor të Kinës.
“Është e vështirë të kuptohet situata e detajuar ndërsa në Japoni shqetësimi po rritet”, tha Kishida duke tërhequr vëmendjen mbi ndryshimet në numrin e rasteve të njoftuara nga institucionet publike dhe private të Kinës.
Kishida theksoi se do të kërkohet testi i COVID-19 për udhëtarët që vijnë nga në territori kryesor i Kinës, me qëllimin për të parandaluar “fluksin e shpejtë” të të prekurve me COVID-19 në vendin e tij.
Në kuadër të vendimit të ri, që nga 30 dhjetori për udhëtarët që mbërrijnë në vend me rezultatin e testit pozitiv do të futen në karantinë për 7 ditë ndërsa ata që nuk kanë simptoma të virusit 5 ditë.
Drejtori i Përgjithshëm i OBSH-së, Tedros Adhanom Ghebreyesus, lidhur me rastet në rritje në Kinë tha: “Jemi të shqetësuar nga rastet në rritje për këtë sëmundje serioze”.
Qeveria japoneze në tetor i hoqi masat kufitare që zbatonte për shkak të COVID-19 në pikat kufitare të vendit prej më se 2 vitesh.
