Beteja midis demokratëve dhe republikanëve për kontrollin e Senatit të SHBA do të zbresë në disa gara të ngushta që mund të luhaten në drejtimin e secilës palë.
Aktualisht, sipas rezultateve, demokratët mbajnë 48 vende dhe republikanët 47. Demokratët duhet të arrijnë në 50 për të mbajtur kontrollin e Dhomës, ndërsa republikanët kanë nevojë për 51 – kjo sepse kur është 50-50, zëvendëspresidentja Kamala Harris jep votën vendimtare për demokratët.
Fituesi është ende i pasigurt dhe situata është e vështirë në Arizona, Georgia, Nevada dhe Wisconsin. Alaska gjithashtu nuk ka fitues, por ka dy përfaqësues republikanë që konkurrojnë.
Ja si qëndrojnë gjërat tani:
Gara e Arizonës po anon drejt senatorit aktual demokrat Mark Kelly me 93 për qind të zonave të hedhura
Në Nevada, republikani Adam Laxalt kryeson demokratin Catherine Cortez Masto, por shumë vota mbeten ende për t’u numëruar
Wisconsin është shumë i ngushtë për të vendosur një fitues, por republikani Ron Johnson ka një epërsi të ngushtë kundër sfiduesit demokrat Mandela Barnes
Me rezultatet kaq të mbyllura, të gjithë sytë do të kthehen sërish nga Gjeorgjia. Aktualisht, duket se asnjë kandidat nuk do të kalojë pragun e 50 përqindëshit të nevojshëm për të fituar, që do të thotë se senatori Raphael Warnock dhe kundërshtari i tij republikan, Herschel Walker, ka të ngjarë të shkojnë në balotazh.
Këto zgjedhje do të mbahen në fillim të dhjetorit. Pra, nëse as republikanët dhe as demokratët nuk mund të marrin shumicën pa të, Xhorxhia do të jetë çështja numër një e të gjithëve për katër javët e ardhshme.
