Ushtria izraelite publikoi një imazh që pretendohet se ishte i një grupi palestinezësh që u detyruan të dëboheshin nga veriu i Rripit të Gazës të bllokuar, transmeton Anadolu.
Në deklaratën e bërë nga ushtria izraelite, pretendohet se “korridori i evakuimit” është rihapur për civilët në veri të Gazës për të kaluar në jug mes orëve të përcaktuara sot (10.00-14.00).
Së bashku me deklaratën, u publikua edhe një imazh që pretendohet se i përkiste dhjetëra palestinezëve që u detyruan të dëboheshin. Në video, palestinezët me flamuj të bardhë në duar mund të shihen duke përparuar në këmbë përgjatë një rruge ku një tank izraelit është vendosur aty pranë.
Në imazh, vlen të përmendet se shumë palestinezë po ecnin me duart e tyre në ajër.
Reagimi i qeverisë palestineze në Gaza: Ushtria izraelite po kryen operacione psikologjike
Nga ana tjetër, për pamjet në fjalë ka reaguar edhe Zyra Mediatike e qeverisë palestineze në Rripin e Gazës.
Në deklaratën me shkrim të Zyrës për Media, theksohet se ushtria izraelite po kryen një operacion psikologjik dhe është paralajmëruar mos qarkullimi dhe publikimi i videos së publikuar.
“Ushtria okupatore mblodhi së bashku dhjetëra qytetarë që donin të shkonin në jug dhe i fotografuan në një mënyrë poshtëruese për të treguar se shumë njerëz po shkonin drejt jugut”, thuhet në deklaratë.
Rruga bëhet e vështirë për civilët në Gaza të kalojnë në jug
Për shkak të shkatërrimit të një pjese të madhe të rrugëve në sulmet e kryera nga ushtria izraelite që prej 7 tetorit, është shumë e vështirë për civilët që jetojnë në veri të Rripit të Gazës të kalojnë në jug të rajonit.
Përafërsisht 2 kilometra nga rruga e korridorit, e cila pretendohet se është hapur për evakuime, është dëmtuar rëndë nga sulmet izraelite dhe kalimi i automjeteve është pothuajse i pamundur.
Meqenëse rruga në korridor u bë e papërdorshme gjatë sulmeve izraelite, civilët që duan të kalojnë nga veriu në jug të Gazës duhet ta kalojnë atë në këmbë.
Për të moshuarit, gratë dhe fëmijët që duhet të largohen nga shtëpitë e tyre për shkak të sulmeve, ky rrugëtim bëhet edhe më i vështirë për shkak se ata janë në këmbë.
Besohet se në veri të Gazës ndodhen rreth 400 mijë civilë palestinezë, rajon të cilin Izraeli ka njoftuar se është e ka rrethuar plotësisht.
Sipas burimeve palestineze, 70 për qind e popullsisë në Rripin e Gazës, ku jetojnë rreth 2.3 milionë palestinezë, është zhvendosur për shkak të sulmeve të vazhdueshme të Izraelit që nga 7 tetori.
