izet mexhiti nderon mesimdhenesit per kontributin ne arsimin shqip ata percollen gjuhen dhe dijen brez pas brezi 6b01dde7f17f3

Izet Mexhiti nderon mësimdhënësit për kontributin në arsimin shqip: Ata përcollën gjuhën dhe dijen brez pas brezi

November 21, 2026
1 minut lexim

Në prag të 22 Nëntorit, Ditës së Alfabetit të Gjuhës Shqipe, në Shkup janë nderuar mësimdhënësit që ndër vite kanë dhënë kontribut në zhvillimin dhe ruajtjen e arsimit në gjuhën shqipe.

Bashkëkryetari i VLEN-it, Izet Mexhiti, bëri të ditur se në këtë aktivitet janë ndarë mirënjohje për mësimdhënësit në pension dhe ata që vazhdojnë të jenë aktivë në procesin edukativo-arsimor, duke vlerësuar përkushtimin e tyre në edukimin e brezave të rinj.

Mexhiti theksoi se pas Kongresit të Manastirit, i cili i dha gjuhës shqipe një alfabet të përbashkët, ishin pikërisht mësuesit ata që e përcollën atë brez pas brezi.

“Shumë prej atyre që nderuam sot kanë dhënë mësim në kohë kur edhe sigurimi i një teksti shkollor në shqip apo hapja e një paraleleje kërkonte përpjekje të mëdha. Disa nga nxënësit e tyre sot janë vetë mësimdhënës”, u shpreh Mexhiti.

Ai nënvizoi se institucionet kanë përgjegjësi të dëgjojnë zërin e mësimdhënësve dhe të angazhohen për përmirësimin e kushteve në arsim.

“Si institucione, kemi përgjegjësi ta dëgjojmë fjalën e tyre dhe të punojmë për tekste cilësore në shqip, kushte të denja në shkolla dhe mbështetje në punën e përditshme”, deklaroi Mexhiti.

Në fund, ai shprehu mirënjohje për të gjithë mësimdhënësit që ndër vite ia kanë kushtuar jetën mësimit në gjuhën shqipe, duke uruar Ditën e Alfabetit Shqip.

Burimi: alfax.mk

VERO

EVN MACEDONIA

MATINA DENTAL CLINIC

AUTO SHKOLLA BEKO

katie price dyshohet se filmoi permbajtje topless per onlyfans 6b01c3429a01b
Lajmi i mëparshëm

Katie Price dyshohet se filmoi përmbajtje topless për OnlyFans

kraki ne bruksel kosova meriton trajtim te barabarte ne procesin e integrimit evropian 6b01de42677a6
Lajmi i radhës

Kraki në Bruksel: Kosova meriton trajtim të barabartë në procesin e integrimit evropian

Të fundit nga

Aksident me vdekje në aksin Fier-Seman

Një aksident i rëndë rrugor është regjistruar pasditen e sotme në aksin Fier–Seman, ku ka humbur jetën 80-vjeçari Nasi Peto. Ngjarja ka ndodhur rreth orës 16:15, kur një automjet me drejtues një
ShkoLartë