Emri i plotë i Nadya Karpova, Nadezhda, do të thotë “shpresë” në gjuhën ruse, ku ajo ka një tatuazh të vogël me fjalën në anglisht në pjesën para qafës.
Ajo e bëri atë kur ishte 21 vjeç, por as nuk i kujtohet se çfarë shpresash kishte në atë kohë, ndërsa tani si duket ajo ka një rëndësi të vërtetë.
Që kur Rusia pushtoi Ukrainën në orët e para të 24 shkurtit, vetëm një numër i vogël sportistësh rusë janë shprehur kundër saj. Mes futbollistëve aktualë ndërkombëtarë të vendit, vetëm tre e kanë bërë këtë.
Nga skuadrat ruse të meshkujve, Fedor Smolov i Dynamo Moskës postoi një “Jo luftë!” mesazh në “Instagram” në muajin shkurt. Që atëherë ai ka heshtur.
Aleksandr Sobolev nga Spartak Moska gjithashtu postoi një mesazh në ditën e fillimit të luftës, por e fshiu atë disa orë më vonë.
Karpova, e cila luan futboll te klubi i femrave të Espanyol në Spanjë, është e treta. Ajo është e vetmja anëtare e ekipit të femrave ruse që ka shprehur kundërshtimin e saj dhe këtë e bën pothuajse çdo ditë.
Që nga fillimi i luftës, më shumë se tre muaj më parë, ajo ka postuar mesazhe kundër luftës në “Instagram”, ku numëron 143 mijë ndjekës.
Së fundmi, përmes një interviste, Karpova u shpreh tejet e nevrikosur me vendimin e Putinit për ta pushtuar Ukrainën, ku kjo gjë i ka privuar tani popullin rus nga një e ardhme e mirë.
“Për cilin mision unik po flisni? Nuk mendoj se rusët janë të veçantë. Në të njëjtën kohë, nuk kam turp të jem rus, pasi Rusia nuk do të thotë qeveria dhe Vladimir Putin. Putini mori gjithçka nga ne, ai mori të ardhmen tonë. Në të njëjtën kohë, ai e bëri atë me pëlqimin tonë të heshtur. Ata (qeveria) nuk dëshmuan rezistencë të fortë. Shumica e njerëzve thjesht po mbyllnin sytë ndaj padrejtësisë, duke menduar se ishte jo biznesi i tyre”, tha Karpova.
“Kam marrë pjesë në dy mitingje të opozitës, i fundit në mbështetje të (figurës kryesore të opozitës ruse Alexei) Navalny kur ai u helmua dhe u burgos, por megjithatë, nuk mendoj se kam bërë mjaftueshëm. Këta njerëz që justifikojnë luftën, janë peng të propagandës. Më vjen keq për ta dhe besoj se duhet të bëjmë gjithçka për t’i çliruar nga ajo”, shtoi më tej sulmuesja ruse.
Karpova ka luajtur 24 herë për Rusinë, duke përfshirë edhe Kampionatin e fundit Evropian, pesë vjet më parë. Ndeshjet e tjerat janë afër, në Angli nga data 6 deri më 31 korrik, por Kombëtarja e Rusisë nuk do të jetë aty, pasi që janë të ndaluara si pasojë e sanksioneve për shkak të pushtimit të vendit ndaj Ukrainës.
