Shërbimi i internetit satelitor të Starlink së shpejti do të jetë i disponueshëm në disa kompani ajrore me lançimin zyrtar të Starlink Aviation vitin e ardhshëm njoftoi kompania.
Sipas SpaceX shërbimi do të ketë internet me shpejtësi 350Mbps në çdo avion të pajisur me terminalin Aero të Starlink. Ky internet konsiderohet i mjaftueshëm për video thirrje, lojëra online dhe aktivitete të tjera online që kërkojnë shpejtësi të lartë transferimit të dhënash.
Është një hap i madh përpara krahasuar me atë çfarë ofrohet sot nga shërbimet e internetit Wi-Fi në fluturimet ajrore.
With Starlink, passengers will be able to access high-speed, low-latency internet from the moment they walk on their plane → https://t.co/bcn8jvpKgi pic.twitter.com/mDDQou1ZA3
— SpaceX (@SpaceX) October 19, 2022
OneZero raporton se shumica e fluturimeve ose përdorin sistemeve ajër-tokë me shpejtësi deri në 10Mbps dhe funksionon vetëm gjatë fluturimeve mbi tokë, ose sisteme satelitore me shpejtësi 30-100Mbps.
Duke qenë se këto shpejtësi janë për avion, shpejtësitë që pasagjerët do të kenë ndryshojnë.
SpaceX pretendon se shërbimi do të jetë i disponueshëm kudo, tokë dhe det me vonesa transmetimi prej vetëm 20ms.
Në një testim bërë së fundi, Starlink Aviation arriti të ofrojë internet 100Mbps për një fluturim në SHBA. Vetë CEO i kompanisë Elon Musk ka diskutuar prej kohësh mundësinë e ofrimit të internetit satelitor për fluturimet ajrore.
