Inflacioni ka kaluar çdo parashikim në Itali dhe shndërrohet në pengesën e parë me të cilën do të duhet të përballet qeveria e Melonit.
Shifrat e tetorit të publikuara nga ISTAT janë një tronditje e papritur që i tejkalon të gjitha pritjet.
Indeksi i çmimeve të konsumit u rrit nga 8,9% në 11,9% – niveli më i lartë që nga marsi 1984 – me një rritje ciklike prej 3,5%.
Një rritje prej tre pikë përqindjeje e tendencës dhe madje 3,5% e situatës ekonomike nuk ishte parashikuar nga asnjë analizë.
Ky është kërcimi më i madh që nga viti 1954, vit në të cilin u krijua ISTAT.
Çmimet e energjisë po rriten duke i shtyrë edhe produktet ushqimore drejt kësaj prirjeje.
”Duhet të veprojmë urgjentisht”, deklaroi Meloni, e cila, duke folur me kancelarin gjerman Olaf Scholz, përsëriti urgjencën e masave konkrete për uljen e çmimeve të energjisë.
Bizneset dhe konsumatorët kërkojnë masa kundër faturave të shtrenjta.
“Inflacioni ka arritur nivelet e gati 40 viteve më parë. Shumica parlamentare dhe qeveria duhet të fokusohen këtu”, deklaroi Debora Serracchiani, shefja e deputetëve të Partisë Demokrate opozitare në parlamentin italian.
