Çmimet e gazit, ushqimeve dhe shumicës së mallrave dhe shërbimeve të tjera në Shtetet e Bashkuara u rritën në maj, sipas Departamentit të Punës.
Kështu duke e rritur inflacionin në një nivel të ri katër dekadash dhe duke mos u dhënë familjeve amerikane lehtësim nga rritja e kostove, shkruan Aljazeera.
Raporti nënvizoi frikën se inflacioni po përhapet përtej energjisë dhe mallrave, çmimet e të cilave po rriten nga zinxhirët e bllokuar të furnizimit dhe pushtimi i Ukrainës nga Rusia. E që gjithashtu shkaktoi rënien e çmimeve të aksioneve.
“Pothuajse çdo sektor ka inflacion më të lartë se normalja,” tha Ethan Harris, kreu i kërkimit ekonomik global në Bankën e Amerikës.
“Ajo ka hyrë në çdo cep dhe çarje të ekonomisë. Kjo është gjëja që e bën atë shqetësues sepse do të thotë se ka të ngjarë të vazhdojë.”
