Futbollisti me prejardhje nga Kosova, Kastriot Imeri, është prej më të mirëve në radhët e Kombëtares së Zvicrës U-21, e cila ngadhënjeu me rezultat bindës 5:1 ndaj Uellsit U-21, në takimin de xhiros së shtatë të Grupit E të kualifikueseve për Kampionatin Evropian U-21.
Ndeshja u zhvillua në Lausanne, ndërsa të rinjtë zviceranët treguan lojë shumë të mirë.
Imeri luajti titullar, duke asistuar në golin e dytë në minutën e 15-të, që shënoi Ndoye dhe në atë të tretën (20’), ku realizoi Amdouni.
Për Zvicrën shënuan: Mambimbi (12’), Ndoye (15’), Amdouni (20‘ e 50’), Ndoye (47’) dhe për Uellsin Adams (46’).
Portieri Amir Shaipi u paraqit standard sikurse edhe Imeri, ky i fundit u zëvendësua në minutën e 78-të, ndërsa Ardon Jashari u aktivizua nga minuta e 70-të.
Zvicra me 6 fitore e 1 barazim, kryeson me 19 pikë e Uellsi është i pesti me 7.
