Në Tiranë, në Ditën e Diaspores, e mbajt në një atmosferë magjike duke u përmbyllur të dielën në mbrëmje rrugëtimi i edicionit të tretë të çmimeve “Bright Minds Albanian Worldwide Awards On Entrepreneurship 2022”.
Qindra pjesëmarrës kanë ndjekur ceremoninë e dhënies së çmimeve për 9 kategori. Një mbrëmje e cila celebroi arritje, sukseset por edhe forcoi lidhjet mes miq, partnerësh dhe bashkëpunëtorësh. Jo më kot ishe zgjedhur kjo datë, 18 dhjetori Dita e Diasporës. Si një datë simbol e bashkimit, për tu kujtuar të gjithëve se shqiptarët janë të bashkuar brenda dhe jashtë vendit, janë të bashkuar falë traditave dhe kulturës, ndaj vetëm një ditë e tillë mund të bënte bashkë biznesin dhe kulturën në një sallë. Çka e nënvizoi edhe në fjalën e tij përshëndetëse Kryetari i Dhomës së biznesit të Diasporës z. Ardian Lekaj. “Një mbrëmje e tillë ka vlerat e veta. Ju sot do të takoni miq e mbi të gjitha do të keni rastin të njiheni me mendje artët”.
Teksa shpjegoi gjithë procesin e vlerësimit të përzgjedhjes së fituesve nënkryetarja e Dhomës së Biznesit të Diasporës Shqiptare znj. Elisabeta Katiaj tha se: “Është një krenari e madhe që të vlerësosh me të vërtet këta sipërmarrës, ti quash vërtet mendjeartë. Dua të them se ai që merr trofeun nuk është mendjearti më i mirë apo i vetmi. Janë të gjithë këta finalistë të zgjedhur për shumë arsye. Ndaj jemi munduar të promovojmë dhe të nxjerrim në pah vlera të reja, vlerat inovative.
Pamje nga ceremonia
Mbrëmja festive nisi me himnin e flamurit për të vazhduar më pas me dhënien e çmimeve dhe një program artistik të përgatitur nga Ansambli Folklorik Tirana valltarët e të cilit interpretuan disa nga vallet më të njohura të krahinave shqiptare. Në mbrëmje nuk mungoi as pasuria shqiptare e mbrojtur në UUESCO. Ku Ansambli Folklorik Çipini u ngjit në skenë me një interpretim mbresëlënës të isopolifonisë.
Surprizë interpretimi i mrekullueshëm i sopranos së vogël Isabel Poro, fituese këtë vit e konkursit ndërkombëtar të këngës ‘Hybla Music Contest’, mbajtur në Raguza të Siçilisë.
Përveç mendjelartëve gjatë mbrëmjes së të dielës një vlerësim i veçantë ju akordua Presidentit të Nderit të Dhomës së Biznesit, Sipërmarrësit dhe Filantropit të njohur Z. Lazim Destani. Ai u nderua me çmimin “Gjeneral i Paqes” nga Misioni Diplomatik për Paqe dhe Prosperitet.
Fituesit e edicionit të tretë të “Bright Minds Albanian Worldwide Awards On Entrepreneurship 2022”.
Ilir Ikonomi gazetar e studies i njohur nga diaspora shqiptare në SHBA, është fitues i çmimit “Mendjeartët 2022” për gazetari.
Pamje nga ceremonia
Bright Mind Digital Award – “One For” – Skënder Xhakaliu
Bright Mind Best Inovative – “Maison Culturelle” Ledja Canaj
Bright Mind Best Brand – TM GROUP
Bright Mind Young Entrepreneur – Endiza Dema
Bright Mind Career – Valbona Zeneli
Bright Mind Tourism – Uji i Ftohtë Tepelenë
Bright Minds Albanian Worldwide Journalist – Ilir Ikonomi
Bright Mind Foreign Direct Investment – tre fitues
CA.RO.srl
Woodit
Musc Decor
Bright Mind Diaspora Investment –
Dion Home
Roemac Technology
Sporus Healthy Food
Anesti TSAPRAZI
Ky aktivitet u organizua nga Dhoma e Biznesit të Diasporës Shqiptare, Unioni i Sipërmarrësve të Rinj
