Duke komentuar fjalimin vjetor të Presidentes së Kosovës, Vjosa Osmani para deputetëve, Ilir Deda, bashkëpunëtor i Institutit për Shkenca Humane në Vjenë, thotë se fjalimi duhet të çojë në njëfarë maturie, në të njëjtën kohë duke theksuar se mund të konkludohet nga fjalimi se nuk ka një politikë të vetme institucionale në Kosovë.
Ish-deputeti i Kuvendit të Kosovës, Ilir Deda thekson se Kosova është plotësisht e varur nga mbështetja dhe marrëdhëniet me SHBA-në, por edhe se përballet me sfida që kanë të bëjnë me ekzistimin e dialogut në nivel të brendshëm dhe të jashtëm.
“Unë besoj se mënyra e vetme është që komuniteti shumicë apo përfaqësuesit politikë të marrin përgjegjësinë për barazi. Në periudhën e ardhshme duhet të ketë edhe një dialog të brendshëm me serbët e Kosovës”, tha ai për RTK2.
Bashkëpunëtori i Institutit për Shkenca Humane në Vjenë, Ilir Deda, konstaton se kjo është diçka për të cilën duhet të përpiqemi sepse në një shoqëri demokratike, sipas tij, Qeveria dhe Kuvendi janë vetëm pjesë e jetës politike.
Burimi: botasot.info
