Më vonë këtë vit, revista France Footballdo të ndajë çmimin “Topi i Artë 2025”, dhe pritet që fituesi të jetë një lojtar i Barcelonës ose Paris Saint-Germain.
Ousmane Dembele, Lamine Yamal, Raphinha dhe Vitinha janë mes kandidatëve kryesorë, në një garë që pritet të jetë shumë e ngushtë.
Zyrtarët e Barcelonës po mbështesin fuqishëm Lamine Yamal si fituesin potencial, dhe nëse ai do ta fitonte çmimin, do të bëhej fituesi më i ri në histori të Topit të Artë, tre vite më i ri se Ronaldo Nazario, i cili e fitoi çmimin në vitin 1997.
Megjithatë, shumë të tjerë janë në krah të Dembele, i cili ndihmoi PSG të fitojë një tripletë historike, duke përfshirë edhe suksesin e parë ndonjëherë të klubit në Ligën e Kampionëve.
Në Francë ka mbështetje për Dembele, por edhe për Vitinha apo Achraf Hakimi. Megjithatë, nuk është ky rasti për Jean-Pierre Papin, fitues i Topit të Artë në vitin 1991.
Sipas EremNews, Papin beson se Lamine Yamal e meriton ta fitojë këtë çmim.
“Lamine Yamal e meriton të fitojë Topin e Artë këtë vit. Jo (për Dembele apo Hakimi), për mua Yamal ishte më i miri dhe pati një sezon të jashtëzakonshëm”, ka thënë Papin.
Një lojtar i Barcelonës nuk e ka fituar Topin e Artë që nga viti 2021 (Lionel Messi), ndaj ekziston një dëshirë e fortë brenda klubit katalanas që një nga lojtarët e tyre ta sjellë këtë çmim sërish pas katër vitesh.
Burimi: botasot.info
