Ansambli i Këngëve dhe Valleve “Ibe Palikuqi” në Shkup ka hapur konkurs për pranimin e anëtarëve të rinj në grupin e vallëzimit popullor, duke ftuar të rinjtë që kanë interesim për vallet shqiptare t’i bashkohen këtij kolektivi artistik.
Përmes kësaj thirrjeje, ansambli synon të afrojë gjeneratat e reja me traditën, kulturën dhe trashëgiminë folklorike shqiptare, duke krijuar mundësi që ato të bëhen pjesë e aktiviteteve dhe paraqitjeve skenike.
Të gjithë të interesuarit mund të paraqiten çdo të shtunë dhe të diel, nga ora 12:00, në lokalet e Ansamblit “Ibe Palikuqi”, që ndodhen afër stadiumit të Çairit në Shkup.
Për informacione shtesë, të interesuarit mund të kontaktojnë në numrin e telefonit 071 333 318
“Eja ti sot, që tradita jonë të jetojë nesër!”, është mesazhi i ansamblit drejtuar të rinjve që dëshirojnë të bëhen pjesë e ruajtjes dhe promovimit të traditës shqiptare.
